ڕۆژا سێشەمبی ڕێککەڤتی (٢٩ی نیسانا ٢٠٢٤) و ئامادەبوونا بەڕێز (د. ٲمير عبدالرحمن) بریکارێ وەزارەتا خواندنا بلند و ڤەکۆلینێن زانستی و ڕێزدار (گوهدار شێخۆ) سەرپەرشتێ ئیدارەیا سەربەخۆ یا زاخۆ. و چاڤدێرییا بەرێز (پ. د. دیار عبدالکریم سعید) سەرۆکێ زانکۆیا زاخۆ، ب سەرۆکاتییا (پ. د. ستار جبار حاجی) ڕاگرێ کۆڵێژا پەروەردە و سەرۆکێ کۆنفرانسی و ئامادەبوونا هژمارەکا زۆرا ڤەکۆلەر و مامۆستا و مێهڤان و قوتابیان، کۆلیژا پەروەردە ل زانکۆیا زاخۆ ئێکەم کۆنفڕانسێ خوە یێ ناڤدەولەتی سازکر.
د ئەڤی کۆنفڕانسیدا، چەندین پەیڤ ژلایێ سەرۆکێ زانکۆییێ وسەرۆک کۆنفڕانسی و سەرۆکێ لیژنەیا زانستی و بریکارێ وەزارەتا خواندنا بلند و ڤەکۆلینێن زانستیڤە هاتنە خواندن.
پاشان د بڕگەیا دووییێدا ڕوونشتنەک هاتە گرێدان کو تێدا ئاخڤتنکەرێن سەرەکی یێن کۆنفڕانسی ژ وەلاتێن بیانی تێدا پشکداربوون.
ل دەمێ ئێڤاری چار ڕوینشتنێن ئەکادیمی زانستی هاتنە ئەنجامدان کو تێدا ڤەکۆلەران پۆختەیێ کار و ڤەکۆلینێن خۆ پێشکێشکرن.
هەژی گوتنێ یە پەنەل دو ڕۆژان دێ یێ بەردەوام بیت و ل سەر هەشت ڕوینشتنان هاتینە دابەشکرن.