ڕینمایێن نڤیسینا ڤه‌كۆلینان
ڕینمایێن نڤیسینا ڤه‌كۆلینان:
پێخه‌مه‌ت ڕیكخستنا كۆنفرانسه‌كێ سه‌ركه‌فتى و كاریگه‌ر، ب گرنگ دبینین چه‌ند ڕینمایان ده‌ینین بۆ ڤه‌كۆله‌ران لده‌مێ نڤێسینا ڤه‌كۆلینێن خۆ، ئه‌وژى:
- خۆتوماركرنا پێشوه‌خت بۆ هه‌مى ڤه‌كۆله‌ران.
- پێدڤى یه ڤه‌كۆلینێن دهێنه پێشكێشكرن بۆ كۆنفرانسى یێت ره‌سه‌ن بن، وپێشوه‌خت نه‌هاتبینه به‌لاڤكرن.
- پێدڤى یه ڤه‌كۆلین لدۆر ته‌وه‌رێن كۆنفرانسى بیت.
- ڤه‌كۆلین دێ ب شێوێ وورد(word) هێنه هنارتن.
- ڤه‌كۆلین دێ ب ناڤۆنیشانێ ڤه‌كۆلینێ-ناڤێ ڤه‌كۆله‌رى-زانكۆ یان جهێ كارى- وڵات) ده‌ستپێكه‌ت.
- لده‌مێ وه‌رگرتنا ڤه‌كۆلینێ مله‌فه‌كێ پاوه‌ربوینتى(PowerPoint) بهێته دروستكرن پێخه‌مه‌ت پێشكێشكرنا ئه‌وى لدویف خشتێ كارى یێ كۆنفرانسى.
- پێگیریكرن ب ژڤانێن ده‌ستنیشانكرى یێن کۆنفرانسى.
- لیژنا زانستى یا كۆنفرانسى دێ ڤه‌كۆلینان ب زمانێن: (كۆردى، عه‌ره‌بى، وئینگلیزى) وه‌رگریت.
- پۆخته‌یا ڤه‌كۆلینێ زێده‌بارێ زمانێ ڤه‌كۆلین پێ هاتییه نڤێسین، ب زمانه‌كێ دى ژى بهێته نڤێسین یێن هاتیینه دیاركرن ژ لایێ لیژنا زانستى ڤه.
- پۆخته‌یا ڤه‌كۆلینێ ژ (500) په‌یڤان كێمتر نه‌بیت و په‌یڤێن سه‌ره‌كى ژ (5) په‌یڤان كێمتر نه‌بن.
- جۆرێ فۆنتێ نڤێسینێ: بۆ زمانێ كوردى (Unicode Kurdish-Calibri (Body)، و بۆ زمانێ عه‌ربى: (Calibri (Body)، و بۆ زمانێ ئینگلیزى فۆنتێ (Time New Roman).
- ڤه‌كۆلین ب شێوازێ كۆمه‌له‌یا ئه‌مریكى یا ده‌روونناسیێ (APA-7) - چاپا حه‌فتێ بهێنه نڤیسین.
هه‌ڵسه‌نگاندنا ڤه‌كۆلینان:
- ڤه‌كۆلین دێ هێنه هه‌ڵسه‌نگاندن لایێ لیژنه‌یا زانستى یا كۆنفرانسى ڤه پیشتبه‌ستن ب بۆچوونێن شاره‌زایان.
- ڤه‌كۆلین دێ بشێوه‌یه‌كێ نهێنى هێنه هه‌ڵسنگاندن، لدویف: ره‌سه‌نایه‌تى، ووردى، و چه‌ندییا گرنگییا ڤه‌كۆلینێ بۆ ڤه‌كۆلینا زانستى، و ڕاست و درووستییا نڤیسینێ و زمانه‌ڤانیێ.
- ڤه‌كۆله‌ر پشتى دهێنه هایداركرن لده‌مێ هنارتنا كورتى وته‌ماما ڤه‌كۆلینێ، لده‌مێ هه‌بوونا تێبینیان لسه‌ر ڤه‌كۆلینێ پێدڤى یه ڤه‌كۆله‌ر پێ پێگیربیت ب ڕاستڤه‌كرنا ئه‌وان تێبینییان.
به‌لاڤكرنا ڤه‌كۆلینان:
- ڤه‌كۆلین دێ هێنه به‌لاڤكرن د په‌رتووكا تایبه‌ت یا كۆنفرانسى.
- مه‌ره‌م ژ به‌لاڤكرنا ڤه‌كۆلینێن كۆنفرانسى، پێشكێشكرنا نویترین ڤه‌كۆلینانه كۆ ڤه‌كۆله‌ر وخۆدان بریار و بسپۆرانه كۆ بساناهى ئه‌ڤان ڤه‌كۆلینان بده‌ستخۆڤه‌بین.
- ئه‌و ڤه‌كۆلینێن دهێنه پێشكێشكرن و وه‌رگرتن د كۆنفرانسى دا، بتنێ ده‌ربرینێ ژ بۆچوونێ ڤه‌كۆله‌رى/ران، دكه‌ن، وبتنێ ئه‌و د به‌رپڕسیارن به‌رامبه‌ر ڕاست و درووستییا پێزانین و داتایان، دگه‌ل لبه‌رچاڤوه‌رگرتنا ڕێسایێن ده‌ستپاكییا زانستى.