EDUPC 2025
یه‌كه‌مین كۆنفرانسێ ناڤده‌وله‌تى د په‌روه‌رده، پێداگۆجى، و پرۆگرامێن خۆاندنێ دا
29 - 30 نیسانا 2025لژێر چاڤدێرییا به‌رێز وه‌زیرێ خواندنا بلند و ڤه‌كۆلینێن زانستى، و سه‌رپه‌رشتییا به‌رێز سه‌رۆكێ زانكۆیا زاخۆ، و ب سه‌رۆكاتییا به‌رێز ڕاگرێ كۆلیژا په‌روه‌رده، كۆلیژا په‌روه‌رده ل زانكۆیا زاخۆ دێ “یه‌كه‌مین كۆنفرانسێ خۆه یێ ناڤده‌وله‌تى د په‌روه‌رده، پێداگۆجى، و پرۆگرامێن خۆاندنێ دا”، ل رۆژێن (29-30 ێ نیسانا 2025) گێریت.
ئاگه‌هدارى
گهۆرین ل ژڤانان
به‌لاڤكرنا ڤه‌كۆلینان
پێناسه‌یا گشتی
كۆنفرانسێن په‌روه‌رده‌یى یێن ناڤده‌وله‌تى د بوارێ په‌روه‌رده، و پێداگۆجى و پرۆگرامێن خواندنێ دا وه‌كۆ پره‌كێ نه بۆ ئالۆگوركرنا هزر و بیران دناڤبه‌را ڤه‌كۆ له و بسپۆران دا ژ جهێن جۆدایێن جیهانێ، بمه‌ره‌ما خۆتكرنا هه‌ماهه‌نگیێ و پێشخستنێ د ئه‌ڤى بوارێ گرنگ دا، د ئه‌ڤى كۆنفرانسى دا دێ هه‌وڵده‌ین نویترین داهێنان و ڤه‌كۆلینان پیشان بده‌ین ب ئارمانجا پێشخستنا په‌روه‌ردێ و ڕێكێن وانه‌گوتنێ و پرۆگرامێن خواندنێ.
و ژبه‌ر ئه‌وێ تێگه‌هشتنا هه‌ى بۆ ئه‌وان پێشهات و ئاسته‌نگێن رووبرووى سیسته‌مێ فێركرنێ دبن لسه‌ر ئاستێ جیهانێ، ئه‌ڤ كۆنفرانسه دێ ده‌لیڤا دانووستاندنێ لسه‌ر ئه‌وان ئاسته‌نگ و پێشهاتان ده‌سته‌به‌ركه‌تن پێخه‌مه‌ت باشتركرنا فێركرن و فێربوونێ، و ده‌ستڤه‌هینانا ئاست بلندیێ لده‌ف قوتابییان. هه‌روه‌سا پێگیریكرن ب په‌یداكرنا كوالتییا ئه‌كادیمى و پیشه‌یى، د ئه‌ڤێ كۆنفرانسى دا دێ هه‌وڵده‌ین هاندانا گفتوگۆیێن به‌رهه‌مداربكه‌ین كۆ ببیته پاڵده‌ره‌ك بۆ هاندانا سیاسه‌تا فێركرنێ لسه‌ر ئاستێ ناڤده‌وله‌تى، و ئه‌م ل ئه‌وێ باوه‌رێنه كۆ ئه‌ڤ كۆنفرانسه دێ ده‌لیڤه‌یه‌كا جۆرى په‌یداكه‌تن بۆ پیشاندانا ڤه‌كۆلینێن پێشكه‌فتى، هه‌روه‌سا ئالۆگوركرنا شاره‌زاییان، و ئاڤاكرنا تۆره‌كا نوێ یا هه‌ماهه‌نگییا زانستى، كۆ بشێوه‌یه‌كێ ڕاسته‌وخۆ دێ هاندانا داهێنان و گۆرانكاریێ بشێوه‌یه‌كێ ئه‌رینى كه‌تن د بیاڤێ په‌روه‌رده و فێركرنێ دا.
كۆلیژا په‌روه‌رده ل زانكۆیا زاخۆ ئه‌ڤێ چه‌ندێ ب به‌رپڕسیارییه‌تییا خۆ د زانیتن ژ بۆ ده‌سته‌به‌كرنا ژینگه‌هه‌كا گۆنجاى بۆ كۆمكرنا ڤه‌كۆله‌ر و تایبه‌تمه‌ند و بسپۆران د بیاڤێ په‌روه‌رده و فێركرنێ دا.
ب رێكا ڕێكخستنا ئه‌ڤى كۆنفرانسى، دێ رووناهییێ ئێخینه لسه‌ر كه‌توارێ په‌روه‌رده و فێركرنێ، و گه‌نگه‌شه‌كرنا وێ د دیتگه‌هه‌كێ ناڤده‌وله‌تى یێ گشتگیردا، برێكا ئالۆگوركرنا زانستى و سه‌ربۆرێن سه‌ركه‌فتى، و هاندانا دانوستاندنێ لدۆر باشترین ڕێكێن فێركرنێ و ئه‌كادیمى و ته‌كنه‌لۆژى، كۆ دێ بیته ئه‌گه‌رێ باشتركرنا كوالتییا فێركرنێ و پێشخستنا سیاسه‌تا فێركرنێ یا به‌رده‌وام. له‌ورا ئه‌م ل ئه‌وێ باوه‌رێ نه كۆ ئه‌ڤ كۆنفرانسه دێ نیشانه‌كا جۆرى د ڕێبازا پێشكه‌فتنا فێركرنێ دا په‌یداكه‌تن.
دیتن
ڤه‌دیتنا ژینگه‌هه‌كا دانوستاندنێ یا ڤه‌كرى دناڤبه‌را ڤه‌كۆله‌ر و بسپۆراندا د بوارێ په‌روه‌رده و فێركرنێ دا ژ ژینگه‌ه و ره‌وشه‌نبیرى شاره‌زایێن جۆدا.
ئارمانج
ئارمانج ژ ئه‌ڤى كۆنفرانسى:
- هاندانا ئالۆگوركرنا زانستى و ره‌وشه‌نبیرى: په‌یداكرنا سه‌كۆیه‌كێ بۆ ڤه‌كۆله‌ر و شاره‌زا و بسپۆران ژ بۆ ئالۆگوركرنا نویترین ڤه‌كۆلین وزانینینێ د بوارێ په‌روه‌رده و پێداگۆجى و پرۆگرامێن خواندنێ دا.
- هاندانا په‌یوه‌ندیێن ناڤده‌وله‌تى: برێكا هه‌ماهه‌نگى و ئالۆگوركرنێ دناڤبه‌را ناڤه‌ندێن ئه‌كادیمى و ڤه‌كۆلینێ پێخه‌مه‌ت هاندانا داهێنان و پێشخستنێ د بوارێ فێركرنێ دا.
- پێشخستنا ڕاهاتنێن فێركرنێ: برێكا پیشاندانا باشترین شاره‌زایى و ته‌كنیكێن فێركرنێ یێن نوى پێخه‌مه‌ت باشتركرنا پرۆسا فێركرن و فێربوونێ.
- هاندانا به‌رده‌وامیدانا فێركرنێ: برێكا دانۆستاندنێ لسه‌ر ئه‌وان ئاسته‌نگێن ل پاشه‌رۆژێ رووبرووى په‌روه‌رده و فێركرنێ دبن، و ڤه‌دیتنا ستراتیژییه‌تێن فێركرنێ بمه‌ره‌ما بده‌ستڤه‌هینانا ئارمانجێن گه‌شه‌كرنا به‌رده‌وام.
- هاندانا شیانێن فێركرن و ڕاهێنانێ: ده‌سته‌به‌ركرنا ده‌لیڤان بۆ فێربوونا به‌رده‌وام و پێشخستنا پیشه‌یى یا مامۆستا و ڕاهێنه‌ران د بوارێ فێركرنێ و پێداگۆجى دا.
- هاندانا ڤه‌كۆلینا زانستى و داهێنانێ: برێكا پاڵپشتیكرنا ڤه‌كۆلینێن ره‌سه‌ن و داهێنانێن ته‌كنه‌لۆژى یێن دبنه ئه‌گه‌رێ باشتركرنا پرۆگرامێن خواندنێ و ده‌سته‌به‌ركرنا كوالتییا فێركرنێ بشیوه‌یه‌كێ گشتى.