ل رۆژا چارشه‌مبى ڕێكه‌فتى ٢٠٢٥/٤/٣٠، و پشتى بدویماهیك هاتن و پێشكێشكرنا هه‌مى ڤه‌كۆلینان، ڕاگرێ كۆلیژا په‌روه‌رده و سه‌رۆكێ كۆنفرانسى زور به‌رێز (پ. د. ستار جبار حاجی) لیژنه‌یه‌كا بلند پێكهینات ژ ڤه‌كۆله‌رێن تایبه‌تمه‌ند د بیاڤێ په‌روه‌رده و فێركرنێ دا، ژ زانكۆێن ناڤخۆیى و ناڤده‌وله‌تى، و ب ئاماده‌بوونا خانم (شیلان خلیل جنید) نۆینه‌را وه‌زیرێ په‌روه‌ردێ ل هه‌رێما كۆردستانێ و رێڤه‌به‌را گشتى یا پلاندانانێ ل وه‌زاره‌تا په‌روه‌ردێ، هه‌روه‌سا به‌رێز (پ.ه.د. جاسم محمد عبدو) هاریكارێ سه‌رۆكێ زانكۆیێ بۆ كارۆبارێن زانستى و خواندنا بلند، و (به‌رێز (پ. ه. د. رمضان جعفر مصطفى) هاریكارێ سه‌رۆكێ زانكۆیێ بۆ كارۆبارێن قوتابییان، پێخه‌مه‌ت دارشتنا ڕاسپاردێن كۆنفرانسێ.
پشتى دانوستاندنه‌كا درێژ ڕاسپاردێن كۆنفرانسى هاتنه دارێژتن، و ل ده‌مه‌كێ نزیك دێ هێته ئاراسته‌كرن بۆ وه‌زاره‌ت و دام و ده‌زگه‌هێن په‌یوه‌ندیدار، هیڤیخوازین ئه‌ڤ ڕاسپارده ببنه كه‌توار و جهێ خوه بگرن و لبه‌رچاڤ بهێنه وه‌رگرتن و بهێنه جێبه‌جێكرن، پێخه‌مه‌ت به‌رزكرنا كۆالتییا فێركرن فێربوونێ ل هه‌رێما كۆردستانێ.